Deputetja Mesila Doda njoftoi dje përmes një letre publike në Facebook largimin e saj nga Partia Demokratike. Kjo shkaktoi reagime të shumta në skenën politike dhe në opinionin publik.
Por të shumta kanë qenë reagimet edhe në faqen e saj në Facebook. Disa prej tyre i kanë thënë se duhej të kishte luftuar për shpëtimin e kësaj partie ndërsa të tjerë e mbështesin në veprimin e saj.
Një prej mesazheve më pikante e ka lënë poeti Agim Doçi.
Ja çfarë shkruan ai Dodës:
“Mesila motër! Dibranët kanë një fjalë të urtë: “Vrik kungull – e vrik në gardh!..” Zhgënjimi yt asht normal. PD-ja asht e vetmia parti që humbet me autogola! Kjo frymë na zhgënjeu të gjithëve! Por që të bëhet e djathtë PD-ja nuk ka “mundësi” sepse kurrë nuk ka qenë e tillë. Rezervoj mbështetjen time dhe të deklaroj: Të lumtë! Më llogarit edhe mua! Të paharruar A. Broci, A. Hajdari, S. Olldashi. Kthehem këto ditë e takohemi. Mos e dorëzo mandatin se nuk ta kanë dhurue, por e ke meritue. P.s. Kungulli asht në krye tuaj!” e mbyll mendimin e tij, Doçi.
Dje në shkrimin e saj u shpreh se largohej nga PD për arsyen se klientelizmi është bërë mbret i situatës brenda selisë blu.
