Gazetari Martin Leka thotë se drejtësia nuk mund të funksionojë si një shtet brenda shtetit.
Në emisionin “Real Story”, duke folur për arrestimin e Erion Veliajt pak muaj para zgjedhjeve, ai tha se drejtësia duhet të ndjekë një “taktikë” që të mos veprojë 3 muaj para që të mos ketë ndikime në zgjedhje.
Megjithatë, Leka shtoi se një gjë e tillë nuk funksionon kur bëhet fjalë për raste flagrante.
“Në Kodin Zgjedhor ka një nen ku edhe administrata publike nuk lejohet të punësojë tre muaj para zgjedhjeve. Krimi kur ndodh nuk ka datë por në kuptimin e shoqërisë njerëzore, ka dhe politikë penale. Edhe drejtësia jo tre muaj para zgjedhjeve. Në rastet e flagrancës është gjë tjetër. Prokurori dhe drejtësia të arreston ditën e zgjedhjeve por në rastet ku ka vakuume, ku varen shumë gjëra pas gjithë këtyre si rrezikshmëria, lloji i veprës penale, duhet të ketë një fleksibilitet që edhe drejtësia i shërben vendit në përgjithësi dhe në tërësi. Nuk është e veçuar një shtet brenda shtetit”, u shpreh Leka.
