Punëtorja e një banke në Prishtinë ka raportuar të martën në Polici se nga një kliente dyshon ta ketë pranuar një bankënotë prej 100 Euro të falsifikuar.
Me të njëjtën situatë ishte përballur, në të njëjtën ditë, edhe një koleg i saj nga Prizreni i cili kishte zbuluar një person që provonte të depononte 50 Euro false, raporton Gazeta Express.
Rastet e qarkullimit të kartëmonedhave false në Kosovë janë shtuar në javët e fundit. Policia, në disa raporte 24 orëshe ka njoftuar për të tilla raste.
E edhe në raportin e fundit, të së martës, Policia e Kosovës njofton për dy raste të reja, njëri në Prishtinë e tjetri në Prizren, ku klientë të bankave kanë provuar të deponojnë në bankënota të falsifikuara.
