Kryetarja e AMA-s Armela Krasniqi, në një deklaratë sot në 21 maj, foli për rastet e raportimeve problematike nga ana e medieve.
Krasniqi u shpreh se institucioni që ajo drejton ka vendosur deri tani gjoba në vlerën e 800 mijë eurove. Shtoi se AMA nuk monitoron portalet, por se me ligj monitoron televizionet dhe radiot.
Kryetarja e AMA-s bëri thirrje, që çdokush që sheh në portale foto apo video të papërshtatshme të raportojë në institucionin, që ajo drejton. Në fund, theksoi se AMA nuk është policia e medieve, e se fillimisht tërheq vëmendje e më pas kalon në gjoba.
Kryetarja e AMA-s Armela Krasniqi: Platformat online nuk monitorohen nga institucioni. Nëse shikoni video në platform të ndryshme, që nuk janë të përshtatshme apo kanë pamje të veprave penale, ju lutem raportojeni pranë AMA-s. Por ne nuk raportojmë platformat. Legjislacioni ynë parasheh kontrollin e TV-ve, radiove. AMA flet përmes sanksioneve apo gjobave të themi.
Ne kemi vendosur gjoba për shkelje, kemi vendosur 800 mijë euro gjoba në total. Ne operojmë fillimisht me tërheqje vëmendjeje, se nuk jemi Policia e mediave. Fillimisht tërheqim vëmendjen, e më pas kemi sanksione më të ashpra.
