Rusia dhe Kina, kanë patur një përkeqësim të ndjeshëm në raportin vjetor të Lirisë në Botë.
Rusia dhe Kina janë rënditur në një raport si ndër vendet më të këqija në botë për heqjen e lirive të njerëzve, pas Sirisë nën diktaturën brutale të Bashar al-Assad
Por nga ana tjetër, Suedia, Norvegjia dhe Finlanda, vazhdojnë t’i japin leksion botës përsa i përket cilësisë së demokracisë
Sipas raporti, vendi që ka 100 pikë është në krye dhe këtë vend e zënë tre shtetet nordike; Suedia, Norvegjia dhe Finlanda. Këto vende ndiqen nga Kanadaja, Holanda, Australia, Luksemburgu, Zelanda e Re, Uruguai dhe Danimarka.
Raporti vjetor i Lirisë në Botë rendit kombet sipas lirive civile dhe të drejtave politike me secilin vend të vendosur në një nga tre kategoritë: ‘Të lirë, ‘Pjesërisht i lirë’ dhe ‘jo i lirë’.
Rreth 88 vende, përfshirë Britaninë dhe Amerikën, u konsideruan si ‘të lirë’ ndërsa 49, duke përfshirë Tajlandën, Egjiptin dhe Turqinë, i konsideruan “jo të lira”.
Shqipëria renditet në vendin e 68, ndërkohë që liria e shtypit konsiderohet “pjesërisht e lirë”.
Vendin më të keq e zë Siria nën diktaturën brutale të Bashar al-Assad, e ndjekur nga Sudani Jugor, Eritrea, Koreja e Veriut dhe Turkmenistani.
Bahreini, Arabia Saudite dhe Kuba ishin gjithashtu midis kombeve të kontrolluara fort në këtë kategori. Rusia ishte 27 nga fundi me 20 pikë.
Numri i njerëzve që jetonin nën kushte “jo të lira” është rreth 2.7 miliardë njerëz. Por më shumë se gjysma e këtij numri jeton vetëm në një vend – Kina, e cila u rendit e 19-ta./a.ç
