Një raport tronditës është publikuar së fundmi nga “New York Times”, rreth luftës mes Izraelit dhe Hamasit, sipas të cilit autoritetet izraelite kishin dijeni për sulmin 7 tetorit të militantëve, rreth një vit përpara se ai të ndodhte.
Sipas raportit, në duart e inteligjencës izraelite kishte rënë një plan i detajuar se si mund të sulmoheshin qytetet kufitare nga Hamasi, por ai u konsiderua si “pjellë e imagjinatës” dhe i pamundur për t’u realizuar.
Plani 40 faqësh, i quajtur “Muri i Jerikos”, përshkruante detaje të “pushtimit”, por nuk specifikonte një datë se kur do të fillonte një sulm i tillë . Dhe faktet treguan se më 7 tetor të 2023, ai u zbatua me përpikmëri.
Të dhënat tregojnë se plani ishte shpërndarë gjerësisht në mesin e udhëheqësve të ushtrisë dhe inteligjencës izraelite gjatë vitit të kaluar, shumica e të cilëve i hodhën poshtë duke e konsideruar të ekzgjeruara dhe përtej aftësive të Hamasit.
Një analist veteran paralajmëroi në korrik se grupi terrorist kishte kryer një stërvitje stërvitore që pasqyronte planin e “Murit të Jerikos”, duke përfshirë rrëzimin e avionëve izraelitë dhe marrjen nën kontroll të një baze trajnimi ushtarak.
Shqetësimet e tij u rrëzuan nga një kolonel në divizionin e Gazës, entiteti i ngarkuar me patrullimin e kufirit, i cili tha se ishte pjesë e një skenari “krejtësisht imagjinar”.
Zyrtarët izraelitë të sigurisë e kanë pranuar tashmë se ata dështuan në mbrojtjen e vendit dhe qeveria pritet të mbledhë një komision për të studiuar ngjarjet që çuan deri te sulmet.
Dokumenti nxjerr në pah gabimet që arritën kulmin në atë që zyrtarët tani e konsiderojnë si dështimin më të madh të inteligjencës izraelite në pesë dekada.
/f.s
