Grupi për të drejtat e njeriut “Human Rights Watch” e ka akuzuar sot qeverinë siriane se i ka kryer të paktën tetë sulme kimike duke përdorur gaz klorik në zonat e banimit që kontrolloheshin nga opozita siriane, gjatë muajve të fundit të betejës për Aleppon.
HRW ka thënë në një raport të publikuar sot se e ka dokumentuar se helikopterët e qeverisë kryen sulmet në të cilat u vranë të paktën nëntë civilë, përfshirë katër fëmijë, dhe lënduan rreth 200 të tjerë.
Grupi për të drejtat e njeriut thotë se sulmet kanë ndodhur në zonat ku forcat qeveritare po planifikonin të futeshin.
Drejtori për emergjenca i HRW-së, Ole Solvang, ka thënë: “Struktura e sulmeve kimike tregon se ato u kryen në bashkërendim me strategjinë e përgjithshme të ushtrisë për ta rimarrë Aleppon, dhe nuk ishin punë e një disa elementeve mashtruse.’/a.m.
