Pfizer, BioNTech dhe Moderna fitojnë 65,000 dollarë në minutë falë vaksinave të koronavirusit, sipas një raporti të Aleancës së Vaksinave Popullore.
“Kompanitë farmaceutike e kanë rritur sasinë, duke shitur shumicën dërrmuese të vaksinave të tyre në vendet e pasura, në dëm të vendeve më pak të zhvilluara, ku shkalla e vaksinimit kundër Covid-19 mbetet e ulët”, tha grupi në një deklaratë.
AstraZeneca dhe Johnson & Johnson, nga ana tjetër, i shesin vaksinat e tyre me çmimin e kostos.
“Është e pamoralshme që disa kompani të fitojnë miliona dollarë çdo orë, në një kohë kur vetëm 2% e njerëzve që jetojnë në vendet me të ardhura të ulëta janë vaksinuar plotësisht kundër Covid-19”, tha Maaza Seyum.
Aleanca Popullore e Vaksinave, e cila ka 80 anëtarë, përfshirë Oxfam dhe Zyrën e Kombeve të Bashkuara për AIDS (UNAIDS), po u kërkon kompanive farmaceutike që të heqin menjëherë patentat për vaksinat kundër Covid-19.
g.kosovari
