Sipas raportit të Guardia di Finanzas, në Shqipëri janë fotografuar vetëm 1 përqind të parcelave me kanabis qe u zbuluan një vit me pare.
Për të komentuar këtë raport, në studion e Report Tv ishte i ftuar Ismail Elezi, ish-drejtues policie. Sipas Elezit raporti qëndron, por thekson se, sipas tij, kultivimi i kanabisit ka rënë sepse ka shumë stok nëpër magazina.
“Unë po i referohem të dhënave që ju paraqitni dhe nuk dua ta përgënjeshtroj këtë, por sasia e kultivuar në vitin 2016 deri në 2017 është aq e madhe saqë sot që flasim kemi sasira të mëdha kanabis nëpër magazina. Sivjet sasia e kanabisit vjen duke u ulur por kemi më shumë prodhim kanabis. Sasia e kanabisit është e magazinuar nëpër tunele e shtëpi. Po i referohem rastit Habilaj ku u gjetën rreth 4 ton kanabis. Sa herë do ketë goditje të tilla procedime të tilla të sigurt të jeni që do të gjemë sasi kanabisi të magazinuar.”, tha Elezi.
Fajtorë për këtë situatë sipas Elezit është politika, ku thekson se ishte ish-ministri tahiri ai që shkatërroi policinë e shtetit.
“Shumë flitet që kanabisi është i hershëm, unë po ju them që policia ka bërë një luftë pa kompromis në luftë kundër krimit. Të jeni i sigurt se personi që e çoi policinë e shtetit në këtë situatë është Saimir Tahiri, ai e shkatërroi policinë. Ai është një pjesë e kësaj pune, pjesa tjetër shkon më lart. Asnjë drejtues policie nuk mund ta shikojë bimën e kanabisit dhe të bëjë sikur nuk e kupton. Ka filluar procedim penal për Habilaj kur Saimiri ka ik si ministër. Ata njerëzit atje kanë bërë qejf. Në momentin që ai iku si ministër i brendshëm filluan letrat për Habilaj. ”, deklaroi Elezi.
Ndërsa komentoi procesin e vetingut në polici Elezi i bëri dhe një thirrje ministrit Fatmir Xhafaj, ku iu referuar ministrit tha se: Nëse donë të bësh veting në radhët e policisë hiq dorë ti i pari. Nuk bëhet veting kur e ka në dorë ministria, por duhet ta ketë policia./a.m.
