Gazetari dhe ish-deputeti Luan Rama bëri një analizë të gjatë mbi evoluimin e medias shqiptare, duke kujtuar emrat më të njohur të gazetarisë së viteve ’90 dhe rolin që ata patën më pas në politikë dhe në jetën publike.
Në një intervistë për Albania NewsCast me gazetarin Arbër Hitaj ai tha se shumë prej figurave kryesore të gazetarisë shqiptare dolën nga periudha e tranzicionit dhe pluralizmit mediatik, duke krijuar më pas profile të forta publike.
“Mero Baze e nisi gazetarinë në atë kohë, po ashtu Blendi Fevziu, Andi Bushati, Ben Blushi, Aleksandër Frangaj, Martin Leka, Edi Paloka apo Astrit Patozi”, tha Luan Rama.
Ai theksoi se gazetaria e viteve ’90 kishte më shumë përgjegjësi dhe idealizëm krahasuar me sot, ndërsa shtoi se media aktuale po dominohet nga klikimet dhe sipërfaqësia.
“Në atë kohë kishte më shumë përgjegjshmëri profesionale dhe raport më serioz me të vërtetën. Sot ka më shumë formë sesa përmbajtje”, deklaroi ai.
