Drejtuesi i Prokurorise per Krime te Renda ka thirrur ne takim perfaqesuesit e PAMECA, pas publikimit te raportit te tyre me te fundit ne media, ne te cilen eshte prezantuar qendrimi i prokurorisë se: 1. Raporti ka demtuar hetimin per ceshtje konkrete 2. Raporti konsiderohet si nderhyrje ne hetimin ne ceshtje konkrete te prokurorise, per me teper jashte objektit te punes se Projektit. 3. Ka demtuar imazhin e institucioni.
Raporti i PAMECA “shuplakë” prokurorisë për disa çështje në hetim, nga Shullazi, Çako e Roshi
Me një raport të pazakontë për cështje që janë në hetim, misioni policor i asistencës europiane në Tiranë, PAMECA, ka hartuar një raport tejet kritik në lidhje me prokurorinë në raport me disa cështjes të rëndësishme hetimore të vitit të fundit.
Me një raport të pazakontë për cështje që janë në hetim, misioni policor i asistencës europiane në Tiranë, PAMECA, ka hartuar një raport tejet kritik në lidhje me prokurorinë në raport me disa cështjes të rëndësishme hetimore të vitit të fundit.
Raporti i PAMECA, mision që ndodhet në zyrat e drejtorisë së përgjithshme të policisë, kritikon prokurorinë kur thotë se hetimet dhe provat ndaj Emiljano Shulazit nuk janë të thelluara.
PAMECA evidenton se policia u perjashtua nga procesi i hetimit te Shullazit, ne nje kohe qe pas arrestimit te tij disa muaj me pare ne Tirane, policia deklaroi se ishte ajo qe kishte dërguar referimin në prokurori për Shullazin në të paktën një rast gjobëvënie dhe vendosje eksplozivi në Tiranë. Ja si shprehet konkretisht raporti i PAMECA, në lidhje me rastin e Emiljano Shullazit, në pjesën me titull: Vlerësim i hetimit policor për ndjekjen penale të çështjes së E. Sh.
Raporti i PAMECA 4
PAMECA IV kreu një vlerësim të shkurtër të hetimit të policisë dhe të prokurorisë lidhur me E. Sh., një personazh i famshëm i kriminalitetit. Sipas informacionit të mbledhur, Prokuroria e krimeve të rënda rregjistroi procedimin penal nr. 26/2016 (bashkuar me procedimet penale nr. 27, 50 dhe 76 të 2016), për kryerjen e veprës penale “shtërngimi me anë të kanosjes ose dhunës për dhënien e pasurisë” (zhvatje); “shkatërrim i pronës me eksploziv”; kërcënim i një zyrtari publik në detyrë; “prodhim i paligjshëm dhe mbajtje e armëve luftarake dhe municionit” dhe “grup i strukturuar kriminal”, të parashikuara në Nenet 109/b, 152, 238/25, 278/4, 283/a dhe 333/a të Kodit Penal. Referoju shtojcës X për faktet dhe provat e mbledhura.
Vlerësimi tregon se hetimet nuk janë kryer në mënyrë të thelluar për të arritur një rezultat konkret në mënyrën më të shpejtë të mundshme. Faktet përshkruhen në mënyrë të vagët e të përgjithshme, pa ndonjë referencë kohore dhe vendi të sjelljes së supozuar kriminale, për shembull, të modaliteteve të kërcënimeve të bëra, dhe pa ndonjë referencë për burimin e provave të mbledhura (përgjime, deklarime dëshmitarësh, etj.) dhe për personelin e angazhuar në hetim. Sipas mediave, PSH është ankuar për faktin se ata nuk ishin të përfshirë në hetimet – që mund të jetë për shkak të ndjeshmërisë politike të çështjes ( karakteristikat e së cilës nuk janë të qarta për momentin).
Raporti në fjalë mësohet se u është dorëzuar autoriteteve shqiptare si policia, ministria e Brendshme, prokuroria etj, dhe pritet të publikohet zyrtarisht brenda pak ditëve. Dokumenti në fjalë ka vlerë informuese dhe rekomanduese për autoritetet shqiptare.
ma.me
