Ministri i Financave, Arben Ahmetaj ka komentuar në rrjetet sociale, raportin e “The Economist Intelligence Unit” ku sipas tij, për tremujorin e parë të vitit 2017 vlerësohet suksesi i reformave të ekonomisë shqiptare, të reflektuar në shifrat tejet pozitive të treguesve kryesorë ekonomikë.
“Raporti vë theksin tek rëndësia e zbatimit të Reformës në Drejtësi, dhe vlerëson se hapi tjetër menjëherë pas fillimit te zbatimit të saj, është hapja e negociatave për anëtarësimin në BE”, shkruan Ahmetaj në FB, referuar raportit.
Nga ana tjetër, sipas Ahmetajt, EIU vlerëson se periudha afatshkurtër në vijim, do të njohë përshpejtim të rritjes ekonomike si dhe ulje të mëtejshme të borxhit publik dhe deficitit fiskal.
“Po kështu, duke theksuar nevojën e vendit për vazhdimin e rrugës së nisur të reformave nga kjo qeveri edhe pas 18 qershorit, krahas vazhdimit të konsolidimit fiskal, EIU vlerëson se periudha afatshkurtër në vijim, do të njohë përshpejtim të rritjes ekonomike si dhe ulje të mëtejshme të borxhit publik dhe deficitit fiskal. Jemi në drejtimin e duhur për të çuar përpara Shqipërinë që duam”, shkruan Ahmetaj.
c.a
shume vleresime per punen dhe rezultatet fantastike