Komisioni Evropian ka publikuar gjetjet e fundit në Raportin e Progresit për Kosovën për vitin 2015. Raporti për Kosovën është pjesë e Pakos së Zgjerimit për vitin 2015 i cili u adoptua nga Komisioni Evropian. Komisioni, sipas raportit që e ka siguruar Koha.net, ka arritur në përfundimin se Kosova ka arritur progres; në tetor të 2015-ës, BE nënshkroi Marrëveshjen e Stabilizim Asociimit (MSA-në) me Kosovën. Raporti vlerëson se ky është një gurthemel për rrugën e Kosovës drejt të ardhmes Evropiane, pasi, siç theksohet më tej, MSA-ja është marrëdhënia e parë kontraktuale në mes të BE-së dhe Kosovës.
Kosova ka përmbushur dy prej përkushtimeve kyçe ndërkombëtare. Kuvendi i Kosovës ka votuar në favor të amendamenteve kushtetuese për themelimin e Dhomave të Veçanta në muajin gusht, pas dështimit të parë për të kaluar në votim gjatë muajit qershor.
