Raporti i DoJ: Trump do të ishte dënuar për ndërhyrje në zgjedhje nëse nuk do zgjidhej President

“Presidenti i zgjedhur Donald Trump do të ishte dënuar për përpjekje të paligjshme për të përmbysur rezultatin e zgjedhjeve presidenciale të vitit 2020 – të cilat ai i humbi – nëse nuk do të ishte rizgjedhur me sukses në vitin 2024”, kështu vlerësoi raporti i publikuar këtë të martë (14 janar) i Departamentit të Drejtësisë i lëshuar në Kongres.

“Provat e pranueshme ishin të mjaftueshme për të marrë dhe mbështetur një dënim në gjyq. Pikëpamja e departamentit [të drejtësisë] se Kushtetuta ndalon vazhdimin e aktakuzës dhe ndjekjes penale të një presidenti është kategorik dhe nuk e kthen në peshën e krimeve të akuzuara, forcën e provës së qeverisë. apo meritat e prokurorisë, pas së cilës zyra qëndron plotësisht”, tha raporti i Prokurorit Special Jack Smith.

Trump reagoi menjëherë pas publikimit të raportit duke thënë se “Smith është i çmendur dhe gjetjet e tij janë të rreme”.

Presidenti i zgjedhur, Donald Trump merr detyrën më 20 janar. Prokurori i posaçëm, Jack Smith, dha dorëheqjen nga posti i tij javën e kaluar.

Smith u emërua në vitin 2022 për të mbikëqyrur hetimet e Departamentit të Drejtësisë të SHBA ndaj Trump. Këshilltarët e posaçëm zgjidhen nga departamenti në rastet kur ka një konflikt të mundshëm interesi.

Trump u akuzua për mbajtjen e paligjshme të dokumenteve dhe, në disa raste, ruajtjen e tyre në dhomat në resortin Mar-a-Lago në Florida, rezidenca e tij që ai zotëron. Në çështjen e ndërhyrjes, ai u akuzua për komplot për të përmbysur rezultatin e zgjedhjeve të vitit 2020.

Të dyja rastet rezultuan në kallëzime penale kundër Trump, i cili u deklarua i pafajshëm dhe kërkoi t’i shpallte ndjekjet penale si të motivuara politikisht.

Por Smith mbylli çështjet pas zgjedhjes së Trump në nëntor, në përputhje me rregulloret e Departamentit të Drejtësisë që ndalojnë ndjekjen penale të një presidenti në detyrë.