Në krahasim me tre vjet më parë numri i azilkërkuesve në Europë ka pësuar rënie, ndërkohë që Siria mbetet ende vendi me numrin më të lartë të azilkërkuesve. 1.3 milionë kërkesa azili janë paraqitur në 2016 në Bashkimin Europian, ku përfshihet edhe Norvegjia, Zvicra, Islanda dhe Lichtenstein. Ndërkohë, muajt e parë të 2017 tregojnë një rënie krahasuar me të njëjtën periudhë në tre vitet e e shkuara.
Siria mbeti vendi kryesor i origjinës së aplikantëve të regjistruar në BE, duke përfshirë edhe periudhën midis janarit dhe majit 2017, e ndjekur nga Afganistani, Iraku, Pakistani dhe Nigeria.
Por Shqipëria renditet në dhjetë vendet kryesore me numrin më të madh të aplikantêve për azil në BE vitin e shkuar. Këto të dhënat janë bëra publike gjatë prezantimit të raportit vjetor të zyrës europiane të mbështetjes për azilin (EASO )në Bruksel për situatën e azilit në Bashkimin Europian në 2016.
Vendet kryesore pritëse të azilantëve janë Gjermania, Italia, Franca, Greqia dhe Austria
Barbara Celis, Përfaqësuese e EASO: Nga 1,3 milionë aplikantë për azil në Bashkimin Europian në 2016, Siria kryeson në listën e vendeve të origjinës, duke përbërë më shumë se 1/3 e të gjitha aplikimeve. Siria vazhdon të mbetet vendi kryesor i origjinës së aplikimeve për azil në BE që prej 2013.
Në vendin e dytë renditet Afganistani me 15 % të totalit të aplikimeve, ndërkohë që në vendin e tretë renditet Iraku me 10% të totalit të aplikimeve të kryera. Dhjetë vendet me numrin e aplikantëve më të mëdhenj për 2016 përfshijnë Pakistanin, Nigerinë,Iranin, Eritrean, Shqipërinë, Rusinë dhe Somalinë.
Sipas raportit ë zyrës europiane të mbështetjes për azilin,situata e aplikimeve të azilit në BE ka çuar në rritje të vendimeve të lëshuara në shkallë të parë.
Në vitin 2016, vendet e BE regjistrojnë 1,15 milionë vendime të shkallës së parë, ose 84% më shumë krahasuar me vitin 2015. Gjithashtu vendimet e lëshuara në shkallë të dytë në 2016 u rritën me 21% në krahasim me 2015. Aplikantët shqiptarë vazhdojnë të renditen në dhjetë vendet kryesore që kanër kërkuar azil edhe në muajt e parë tê 2017.
Barbara Celis: Në muajin maj 2017, tre vendet kryesore të aplikantëve për azil në Bashkimin Europian janë Siria, Afganistan dhe Iraku.Sirianët vazhdojnê të kryesojnê dhe është pak a shumê e njëjta skemë si në 2016. Në muajin maj të këtij viti, dhjetë vendet me numrin e aplikantëve për azil në Bashkimin Europian përfshijnë edhe Pakistanin, Shqipëria, Bangladeshin,dhe Eritrenë./Abc News
ma.me
