Kryeministri i Kosovës, Ramush Haradinaj, ka premtuar në vendlindjen e Ibrahim Rugovës flamurin e Dardanisë për Kosovën para elektoratit të tij në Istog.
Në fjalimin e fushatës përmbyllëse elektorale në këtë komunë, kryeministri, njëherësh kryetar i AAK-së kishte marrë brohoritje kur iu tha atyre se flamurin e Dardanisë do ta bëjë flamur të shtetit.
“Po mdoket edhe simbolin, flamurin e Dardanisë unë po du me e kry, jo ata që janë kanë para meje”, ka thënë Haradinaj. Haradinaj ka folur edhe për tri gjëra që ia kishte thënë më parë ish-presidenti historik.
“Ia pata kërku tri sene, kompleksin memorial në Prekaz, paret për familjet e dëshmorëve dhe paret për varrezat e dëshmorëve. Për trijat m’ka thanë, është nderi jonë, duhet me i ba”, ka thënë Haradinaj, përgatiti Koha. (b.an)
