Sergio Ramos tregon se njohuritë e Zinedine Zidane në dhomën e zhveshjes së Realit e kanë ndihmuar atë për më shumë sukses se sa që kishte me Jose Mourinhon kur ishte në Santiago Bernabeu.Mourinho, trajner i Unitedit, do të përballet me ish-klubin e tij të martën mbrëma në Superkupën e Evropës në Shkup, transmeton Koha.net. Dhe ishte pjesë e Reali në vitet 2010-13.
Ramos ishte pyetur për të krahasuar trajnerin e tij aktual, Zidane me ish-trajnerin e tij, Mourinho.
“Sipas pikëpamjes sime është se kur një ekip ka një trajner ai ndryshon, secili trajner është ndryshe për shkak të sistemit, taktikës, dhe personalitetit. Jo domosdoshmërisht një trajner është më i mirë se tjetri. Ata thjeshtë janë ndryshe. Zizou ishte shumë i mirë në kuptimin e zhveshtores sonë si ish-lojtar.
Ndoshta kjo i ka dhënë avantazh. Mund të shohim figurën dhe të nxjerrim konkluzione të ndryshme, besoj se të dy janë trajnerë të mëdhenj, jemi me fat që po jetojmë këtë moment historik me Zizou”, është shprehur Ramos, raporton Goal.
Ramos mohoi se Mourinho ka pasur ndikim të madh në karrierën e tij, duke e shndërruar nga mbrojtës të krahut të djathtë në qendërmbrojtës.
“Nuk mendoj se një gjë e tillë më ka ndryshuar karrierën. Mourinho ishte vetëm thjesht një trajner tjetër me të cilin kam punuar në karrierën time futbollistike, dhe gjithmonë kam mësuar nga të tjerët, që kur isha i ri te Sevilla. Prandaj jam shumë, shumë mirënjohës, por nuk mendoj se Mourinho më ka ndryshuar jetën time në futboll”, është shprehur Ramos, në prag të përballjes me Unitedin. (b.an)
