Ish-kryeministri Sali Berisha ka akuzuar kryeministrin Rama dhe qeverinë e tij se kanë krijuar vetëm mekanizma vjedhjesh.
“Kjo qeveri, ky kryeministër me firmë dhe vulë vetëm vjedh. Krijon vetëm mekanizma vjedhje. Dje po kontrolloja të dhënat, rezultonte se nga viti 2014 deri më sot, indeksi i çmimit të ushqimeve është rritur 100%. Ju jap vetëm një të dhënë, familjet shqiptare shpenzojnë 50% të të ardhurave për ushqime. Një varfëri e frikshme rritet çdo javë dhe çdo muaj në këtë vend. Ndërkohë që ministrat e tij të pangopur vjedhin dhe vazhdojnë përdorin fondet publike, asetet publike nga Kepi i Stillos, deri në skajin tjetër më të largët të vendit. Dua të rikujtoj një bisedë me një avokat amerikan që Presidenti Bush e emëroi ambasador të SHBA-së në Vjenë.
Pse Edi Rama ka humbur gjurmët. Nuk i rrihet më në Shqipëri. Por me taksat e shqiptarëve ecën dhe udhëton me avion në rrugët e Europës. Pse? Unë do u lexoj vetëm një nga ‘pse-të’.
Kjo lidhet me aferën e djegësave. Me datën 11/11/2014, ministri i mjedisit Lefter Koka i dërgon një shkresë Agjencisë së Prokurimeve Publike për një mendim për inceneratorin e Elbasanit. 6 ditë më vonë, Ministri Koka i dërgon sërish shkresë Agjencisë së Prokurimeve Publike duke i kërkuar sërish mendim. Një ditë më vonë, agjencia e prokurimeve publike, duke i cituar nenin 22 të Prokurimeve Publike. Për dhënien e konçensioneve mund të përdoren vetëm njëra nga tri procedurat, procedura e hapur, e kufizuar dhe procedura me negocim me shpallje paraprake”, tha Berisha.
g.kosovari
