Një delegacion i qeverisë shqiptare, përfshi këtu edhe Kryeministrin e vendit Edi Rama i ishin drejtuar Turqisë dhe pikërisht aeroportit Ataturk, aty ku pak minuta më parë ndodhën dy shpërthimet kamikaze. Burime për Javanews konfirmuan se avioni ku ndodhej Rama dhe delegacioni shqiptar, përfshi dhe Ministrin e Financave Ahmetaj, kanë qenë në ajër kur kanë ndodhur shpërthimet, teksa është tashmë e konfirmuar se avioni ka mbërritur në Stamboll. Mësohet se Rama, Ahmetaj dhe i gjithë delegacioni janë shëndoshë e mirë.
Rama dhe delegacioni shqiptar kanë shkuar në Turqi për një takim me zyrtarët e lartë të vendit. Avioni ku ishte Kryeministri është ulur rreth orës 23:00 me orën lokale dhe gjithçka vetëm disa minuta pas dy shpërthimeve kamikaze.
Aktualisht numri i viktimave raportohet të jetë 10, ndërsa të plagosurit janë 40 qytetarë.Ky është dhe momenti i njërit prej shpërthimeve kamikaze në aeroportin Ataturk
java/a.k
