Rama-Vuçiç, projekti 650 milion euro në tryezën e Merkelit
Në 27 gusht do të mbahet në Vjenë konferenca e rradhës e BE për Ballkanin Perëndimor, një nismë e kancelares Merkel për ta nxjerrë rajonin nga letargjia e tranzicionit dhe konflikteve shumëvjeçare. Ndër temat qëndrore që do të diskutohen në atë konferencë, do të jetë edhe ndërtimi i autostradës Nish – Prishtinë – Durrës. Ky projekt lidh korridoret 8 dhe 10 dhe është një korsi që do të integrojë të gjithë rajonin, u shpreh Ministra e Ndërtimit, Transportit dhe Infrastrukturës së Serbisë.
Sekretari i Ministrisë së Transportit Dejan Trifunoviç, u tha mediave se Serbia është gati për takimin e ardhshëm të Vjenës, i cili do të mbahet në kuadër të Procesit të Berlinit, dhe se implementimi i projektit të autostradës mund të fillojë në vitin 2017. “Për Serbinë, rol kryesor ka zhvillimi i infrastrukturës dhe kryeministri, në takimin e fundit në Berlin, në gusht të vitit 2014, në një mënyrë pozitive ka imponuar temën në lidhje me zhvillimin e infrastrukturës dhe që atëherë është arritur shumë në këtë drejtim. Të gjitha palët në Ballkanin Perëndimor arritën një konsensus mbi të ardhmen e rrjeteve bazike dhe gjithëpërfshirëse të korridoreve transportuese. Tani, presin vazhdimin e mëtejshëm të aktiviteteve në Vjenë”, u shpreh Trifunoviç për Tanjug
