Ngjarja e 14 Teorit të vitit të kaluar, me trazirat në stadiumin e Beogradit tashmë duken larg. Droni mbetet një kujtim si për shqiptarët ashtu edhe për serbët. Dhe këtë të dy vendet do ta tregojnë në samitin e radhës të vendeve të Ballkanit Perëndimor që do të mbahet me 27 gusht në Vjenë, në kuadër të procesit të Berlinit.
Kjo pasi në këtë samit, Kryeministri i Shqipërisë Edi Rama, homologu i tij serb Aleksadër Vuçiç dhe zëvendëskryeministri i Kosovës Hashim Thaçi lënë kollaren për të veshur uniformën e futbollit.
Sipas të përditshmes serbe Tanjug, mes tyre do të zhvillohet një ndeshje miqësore futbolli ku pjesë do të marrin edhe liderët e tjere të të Ballkanit Perëndimor, mes dy ekipeve “BE e ardhshme” dhe “BE”.
Në ekipin “BE e ardhshme”, do të luajnë Rama, Thaçi, Vuçic, ministri i Jashtëm malazez, Igor Lukshic, homologu i tij maqedonas Nikola Popovski, ministri i Jashtëm boshnjak Crnadak, ministri i Punëve të Jashtme të Shqipërisë, Ditmir Bushati, ministri i Ekonomisë nga Shqipëria, Arben Ahmetaj dhe sekretari i procesit të bashkëpunimit rajonal, Goran Svilanoviç.
Isa Mustafa, si kryeministër i Kosovës, nuk do të jetë përkrah homologëve të tij nga Shqipëria e Serbia.
Ndeshjen do ta gjykojë Komisioneri Europian Johanes Hahn, ndërsa në ekipin e BE-së, do të jetë pjesëmarrës kryeministri i Sllovenisë, Miro Cerar dhe ministri i Jashtëm austriak Sebastian Kurz.
