Kryeministri Rama, i cili po merr pjesë në Samitin për Ballkanin që zhvillohet në Bruksel, organizuar nga Komisioni Europian, u takua edhe me kryeministrin serb Aleksander Vuçiç.
Biseda mes dy kryeministrave u përqendrua tek projektet e përbashkëta të vendeve të Ballkanit perëndimor, të cilat do te paraqiten ne takimin e sotem mes drejtuesve te ketyre vendeve dhe zyrtareve te larte te Bashkimit Europian.
Projektet me konkrete per te cilat dy kryeministrat dhane mbeshtetjen e tyre te plote ishin autostrada Nish-Prishtine-Durres, hekurudha qe do te lidhe Beogradin me Budapestin dhe autostrada Adriatiko Joniane qe lidh Shqiperine me Malin e Zi dhe Kroacine ne veri dhe Greqine ne jug te vendit tone.
Kryeministri Rama theksoi se marredheniet mes Shqiperise dhe Serbise jane tejet te rendesishme per stabilitetin dhe zhvillimin ekonomik e social te Ballkanit dhe Europes ne teresi.
“Serbia dhe Shqiperia duhet te shohin perpara”, theksoi Rama, “duke bere sebashku per Ballkanin ate qe Gjermania dhe Franca bene pas Luftes se Dyte Boterore per Europen. Eshte e rendesishme te kuptojme te gjithe se Ballkani ka nevoje per Bashkimin Europian po aq sa BE ka nevoje per Ballkanin”.
Kryeministri Vucic shprehu mbeshtetjen e qeverise serbe per projektet ne fjale dhe theksoi se
“Bashkimi Europian duhet te kuptoje dhe mbeshtese vendet e Ballkanit perendimor dhe mbeshtetja projekteve ne fjale do te nxisin ekonomine e te dy vendeve”.
Kryeministri serb konfirmoi viziten e tij ne Shqiperi ne fund te muajit maj, ku do te marre pjese ne konferencen e SECP qe do te zhvillohet ne Tirane.
Redaksia Online
(Javanews.al)
