Kreu i PD-së Lulzim Basha ka postuar në profilin e tij në Facebook një shkrim të kreut të degës së PD-së në Shkodër, i cili i drejtohet vizitës së Ramës në qytetin verior.
Rama zhvilloi një vizitë në Shkodër me strukturat e PS-së këtë të premte ku dhe është shprehur përpara socialistëve se kryebashkiakja aktuale, demokratja Voltana Ademi, është “si një hu i paaftë”.
Kjo ka sjellë dhe reagimin e Bashës, i cili shkruan:
“Hurin do ta tregojne shkodranet shume shpejt, burracak”
Postimi i kreut te PD Shkodër, Ramiz Çobaj, i postuar edhe nga Basha
Edi RAMA nuk zhgënjeu as sot me vizitën në Shkoder për të treguar harbutërinë e tij dhe në vecanti kompleksin ndaj grave. Shfrimi i tij prej laci ndaj Kryetares së Bashkisë Shkoder, e cila para një jave ia perplasi në fytyrë, nuk ka për ta ndihmuar aspak në betejen e tij të humbur me Shkodren dhe qytetarët e saj. Kjo harbutëri dhe urrejtje e tij ndaj Shkodres rrit përbuzjen e neverinë ndaj një racisti, që jo vetem i diskriminon dhe ndëshkon shkodranët, por edhe i fyen ata paturpësisht.
Shkodranët kanë dinjitetin e tyre për të përballur të tillë maskarenj, por kur duhet dhe kur e lyp nevoja, i marrin në hu këta zaberhane, pa qenë nevoja të presin zgjedhjet….
