Kryeministri i vendit Edi Rama vizitoi në qendrën spitalore universitare “Nënë Tereza”, 22 të plagosurit nga ngjarja e fshatit Beragozhdë në Pogradec.
Pasi u interesua për gjendjen e pacientëve, Rama qëndroi mes familjarëve të tyre në ambjentet e jashtme të spitalit.
Kryeministri nuk preferoi të japë asnjë koment për ngjarjen.
Më herët mbërriti në ambjentet e QSUT edhe ministri i Shëndetësisë Ilir Beqaj i cili tha për mediat se 6 prej të plagosurve janë në gjendje të rëndë.
“6 prej tyre janë në gjendje të rëndë, ndërsa të tjerët janë në kushte të mira. Po u jepen të gjitha shërbimet. Përmasat janë të tilla, në kufijtë e tragjedisë, dhe janë mbi 20 vetë që kanë qenë në atë ambient. Kemi ende pacient që i presim”, tha Beqaj.
