Kryeministri Edi Rama ka bërë një vizitë në familjen e Kristi Panajotit, adoleshentit që humbi jetën në aksidentin e Lungomares në Vlorë.
Babai i Kristit, Renato Panajoti i tregoi me detaje kreut të qeverisë çdo gjë në lidhje me aksidentin që i mori jetën djalit të tij në një gropë të hapur në “Lungomare”.
Ai i kërkoi vënien para drejtësisë të fajtorëve.
“Kryeministri qëndroi me ne për rreth 40 minuta. Ai tha se tenderi për rrugën ishte i Bashkimit Europian dhe se institucionet do ta ndjekin ngjarjen deri në fund,” thanë familjarët e Kristit, raporton News 24.
Rama ishte prej dy ditësh në Vlorë, dhe në orët e mbrëmjes së djeshme mësohet se ai ka mbërritur në familjen e Kristit bashkë me kryebashkiakun Leli dhe deputetin Edmond Leka.
Dje u zhvillua edhe një protest paqësore në Vlorë për vdekjen e tij, ku morën pjesë qindra persona.
Tema/d.i.
