Kryeministri Edi Rama ka uruar Giorgia Meloni për postin e kryeministres së Italisë. Në një postim në Twitter, kreu i qeverisë shqiptare shkruan: “Urime gruas së parë të thirrur nga populli për të udhëhequr Italinë, një vend të cilit Shqipëria i detyrohet shumë dhe me të cilin na lidh një miqësi e lashtë dhe vëllazërore, e cila ka frymëzuar gjithmonë marrëdhëniet mes qeverive tona. Paç fat GiorgiaMeloni”.
Giorgia Meloni mori dje detyrën nga presidenti Sergio Mattarella për të formuar qeverinë e re dhe pritet që ajo të bëjë historinë në disa aspekte.
Ajo do të jetë gruaja e parë që do të qeverisë republikën dhe e para grua që vjen nga radhët e post-fashizmit, që nga fundi i Luftës II Botërore. Meloni ka prezantuar edhe ministrat e saj.
“Ministër i Jashtëm dhe i Bashkëpunimit Ndërkombëtar, Antonio Tajani, për të cilin do t’i rekomandoj Këshillit të Ministrave dhënien e funksionit të zëvendës kryeministrit. Ministër i Brendshëm, Matteo Piantedosi; ministër i Drejtësisë, Carlo Nordio; ministër i Mbrojtjes, Guido Crossetto; ministër i Infrastrukturës, senator Matteo Salvini, për të cilin do t’i rekomandoj gjithashtu Këshillit të Ministrave dhënien e funksionit të zëvendës kryeministrit”, tha Meloni.
Congratulazioni alla prima donna chiamata dal popolo a guidare l’Italia, un paese al quale l’Albania deve tantissimo e con il quale ci lega un’amicizia antica e fraterna, che ha sempre ispirato le relazioni tra i nostri governi. In bocca al lupo @GiorgiaMeloni
— Edi Rama (@ediramaal) October 22, 2022
/s.f
