Kryeministri Edi Rama ka reaguar përmes rrjeteve sociale duke argumentuar tarifat e studentëve.
Shefi i qeverisë i përgjigjet protestës së sotme duke u shprehur se nuk ka pasur asnjë rritje që prej vitit 2014.
Sipas tij, efekti i VKM nis vitin e ardhshëm, ndërsa shprehet se tarfat për mbetësit u kërkuan nga vetë universitetet publike.
“Thjesht e vërteta:
1.Tarifat s’i përcakton ministria po universiteti
2.Asnjë tarifë s’është rritur nga 2014
3.VKM për tarifën e mbetësve është kërkuar nga universitetet
4.Efekti i VKM nis vitin tjetër
5.Ministrja u ka sugjeruar sot universiteteve të konsiderojnë rishikimin e VKM” – shkruan Rama.
Ditën e sotme qindra-mijëra studentë të universiteteve publike protestuan para Ministrisë së Arsimit dhe Sporteve pasi marshuan në rrugët e Tiranës.
Ata kërkojnë heqjen e tarifave për lendët e mbartura ndërsa kanë paralajmëruar tubime të tjera ditët në vijim.
/A.Rada
