Presidenti i Këshillit Europian, Charls Michel dhe kryeministri Rama kanë zhvilluar së bashku një komunikim online.
Michel me një reagim në Twitter ka vlerësuar progresin e Shqipërisë për reformat e ndërmarra nga qeveria dhe i komunikoi kryeministrit Rama në një lidhje me Skype se mezi po pret konferencën ndërqeveritare mes Shqipërisë dhe Be për hapjen e negociatave.
Kryeministri Rama ka treguar temat e bisedës me presidentin e KE, të cilat kanë qenë rreth: Konferencës së Parë Ndërqeveritare Shqipëri – BE, si hap domethënës në rrugën drejt anëtarësimit pas çeljes së negociatave; Plani Europian të Investimeve në rajonin tonë; ecuria e Shengenit Rajonal dhe tematika e konflikteve në zonën e OSBE.
Postimi i Ramës:
Një bashkëbisedim si gjithnjë miqësor, i hapur, interesant me Presidentin e Këshillit Europian dhe mikun e çmuar, Charles Michel, një mbështetës i pakursyer i integrimit europian të Shqipërisë e të Ballkanit Perëndimor.
Folëm për Konferencën e Parë Ndërqeveritare Shqipëri – BE, si hap domethënës në rrugën drejt anëtarësimit pas çeljes së negociatave; Planin Europian të Investimeve në rajonin tonë; ecurinë e Shengenit Rajonal dhe tematikën e konflikteve në zonën e OSBE
/e.rr
