Në një kohë kur vijon debati publik lidhur me Teatrin Kombëtar, kryeministri Edi Rama ka sjellë foto nga Teatri Kombëtar i Operas dhe Baletit i cili duket se është në fazat e fundit të restaurimit.
Rama thotë se së shpejti Shqipëria do të ketë edhe Teatër të Ri Kombëtar i cili përveçse do të jetë një gëzim për çdo artist dhe çdo artdashës, do të rrezatojë nga jashtë.
“Së shpejti Shqipëria do të ketë një Teatër të ri Kombëtar të Operas dhe Baletit në vend të karakatinës skandaloze, e cila edhe pse ishte ku e ku më e mirë se sa karakatina e turpshme prej tallashi e Teatrit Kombëtar, nuk krahasohej dot as me teatrot e qytezave të Europës
Dhe me këtë rast, kush ka sy të shikojë e mendje të mendojë, mund të shohë (edhe pse ende s’ka përfunduar Salla e Madhe e shfaqjeve) pa asnjë mundim dallimin si nata me ditën mes pasionit tonë për të bukurën e për dinjitozen dhe lidhjes së pandashme me shëmtinë e me pisllëkun, të atyre që u vriten sytë nga drita e të resë
Ja kështu, njësoj, do të shkëlqejë nesër edhe Teatri i ri Kombëtar i Fjalës, i cili përveçse do të jetë një gëzim nga brenda për çdo artist e artdashës, do të rrezatojë edhe nga jashtë, si një kryevepër e arkitekturës bashkëkohore, falë talentit të arkitektit të famshëm danez Bjarke Ingels e të studios së tij prestigjoze “BIG”
(Kjo vlen edhe për ata që e kanë romuzin 3D në majë të gjuhës kur komentojnë, sepse para se të niste ky kantier, 3D ishte edhe kjo këtu)”, thotë Rama.
Si ishte Teatri Kombëtar i Operas dhe Baletit
Si do të jetë Teatri Kombëtar i Operas dhe Baletit
g.kosovari
