Kryeministri Edi Rama i eshte pergjigjur deputetes demokrate Jozefina Topalli ne lidhje menje foto te publikuar kete te enjte, te nje maturanteje, duke thene se kjo eshte fytyra e vertete e opozites, perdorimi i kujtdo personi per qellime politike. Rama tha se stresi, deshperimi dhe ankthi i qytetareve mbetet dhe eshte burimi i vetem i politikes se sotme te opozites.
Kjo foto e nje maturenteje qe protestonte kete te enjte ne parlament, u be shkak i debatit mes Topallit e Rames.
“Jozefinë, fole për ndjeshmërinë, si një grua… nuk pretendoj të kem ndjeshmërinë e një gruaje por pretendoj nga ty tmë thuash një gjë… po sikur ti të kesh gënjyer sot me rastin që tregove në fotografi…Po sikur vajza që e more në krahë ta ketë mesatarën 9, 18 dhe sikur të gjithë ata që kanë fituar ta kenë më të lartë? Cfarë duhet të bësh? I kujtove ministres dhe lotët e tua për një kohë tjetër kur tu privua shkolla në kohën e një sistemi tjetër, por asnjë lot nuk ke hedhur, në kohën kur sistemi i arsimit u bë mish për top… kur mijëra e mijëra student e prindër, u cuna për mish për top, në dyert e atyre universiteteve që i hapët ju, i mbajtët ju dhe përfituat ju prej atyre.
Doja t’ju tregoja të gjithë maturantëve se kush jeni ju. Po të them në Këshillin e Stabilizim Asociimit dëgjova fjalët më të mira për punët e bëra për reformën në drejtësi, për luftën kundër krimit e madje edhe në luftën kundër korrupsionit, për të cilën ne të gjithë jemi të vetëdijshëm që është një luftë larg së qeni e fituar… dhe për fat të keq, dikush me një mikrofon, i indoktrinuar nga broçkullat tuaja, bëri një pyetje përraportet e inteligjencës për kanabisin… dhe e di çfarë, Jozefinë, më erdhi zorr… të gjithë ata që nuk ishin shqiptarë aty qeshnin… me nivelin absurd tëinjorancës tuaj dhe me nivelin e pyetjeve tuaja.
Nëse ti vazhdon të insistosh duke shpërdoruar atë vajzën që nxorre në fotografi, kjo është djallëzore. Çfarë bën ti Jozefinë se fole për ankth e trishtim… cfarë bërë ti, i referohesh fakteve ti, i referohesh ti ligjit, procedurave të vërtetave…?! Fare!
Ti dhe jut ë gjithë së bashku i referoheni ankthit, stresit, dëshpërimit të krijuar nga kjo situatë, sepse është viti i parë i kësaj reforme… por jo, ju bëni politikë duke gjetur viktima, ju fërkoni duart kur gjeni njerëz të cilët mund t’i kthehni në viktima.
Ju e bëni evidente, që ju do të ishin të ankthosur, të dëshpëruar, nëse nuk do të kishit viktima. Ju vetëm rrotulloni thikën në plagë dhe u thoni atyre ngelët pa studime… KUSH?! Kush ka ngelur? Asnjë!
Është thënë disa herë që nuk do të mbetet asnjë vend bosh… janë kuotat e përcaktuara dhe janë fituesit, dhe kur unë fola për 27 mijë e 200 aplikues… unë ndryshe nga ju nuk i ndaj universitete me të nënë e të njerkës si puna juaj… por ajo që është e sigurt është se universiteti public ofron 25 mijë vende për maturantët… nuk është faji i ministers që ti vbjen ktu me një fotografi të jeta osh qef dhe ti të bësh jet o jet e qejf o qejf me një foto. Ke një mjeshtri që me siguri do të bënte xheloze edhe Tinka Kurtin, se të dyja aktore nga Shkodra jeni.”- tha Rama.
Replikon Topalli
Një keqardhje e kam se duke treguar foton e asaj vajze, dhe duke ditur shpirtin tuaj hakmarrës kam frikë se atë vajzë ti do e copëtosh. Si ka mundësi që studentët e mirë nuk hyjnë në universitetet shqiptare e fitojnë në Gjermani.Ti do mbahesh mend si kryeminsitri që i ke mbyllur dyert universiteteve. Fëmijët skanë për ta harruar kurrë.
Përgjigjet Rama
Këta mos i harroni sepse janë këta që në një moment ankthi në mes të procesit jua shumëfishojnë me shpërdorime, me mashtrime… si kjo zonja e G20-tës, që ja shton me një foto të jeta osh qef.
/java/a.k
