Sheshi “Nënë Tereza” do të kthehet në një oaz të gjelbër për qytetarët duke iu mundësuar atyre aksesin në një instilacion kushtuar më së shumti fëmijëve dhe familjarëve. Ky oaz i gjelbër do të jetë një hapësirë dedikuar librit dhe aktiviteteve kulturore.
Kryeministri Edi Rama theksoi se ky projekt është një instalim miqësor me mjedisin dhe i lëvizshëm, duke e bërë sheshin një hapësirë të natyrshme dhe jo një vend të mbushur me kafenetë.
“Projekti është i lëvizshëm dhe nuk është një ndërtim me impakt në shesh, por një instalim miqësor me mjedisin dhe njerëzit. Foksi në këtë instilacion do të jenë fëmijët dhe familjet, nuk do të jenë kafenetë”, tha Rama.
Rama gjithashtu foli për planet e qytetit të Tiranës, duke theksuar se qyteti po kalon në një fazë zhvillimi të qëndrueshëm, ku ky shesh do të jetë pjesë e infrastrukturës së parkime nëntokësore. Rama tha se infrastruktura e parkimeve do të kthehet në një atraksion turistik me prekjen “magjike” të arkitektëve të famshëm në botë.
Në fund të fjalës së tij Kryeministri nuk harroi të përmendë sërish Erion Veliajn.
Përmes një batute me të pranishmit Rama tha se “Siç thotë Erion Veliaj që e ka mësuar nga unë, ditët më të mira janë të gjitha përpara”.
