Kryeministri Edi Rama ka hedhur poshtë thashethemet për sëmundjen e tij. Kreu qeverisë ka shpjeguar arsyen e vizitës në Paris dhe Berlin në ditët e fundit dhe ka ftuar të gjithë qytetarët që të vijnë neser në kongresin e Partisë Socialiste.
Rama ka thënë se jam mirë në zyrën time dhe jo në spital siç pretendon opozita.
Kreu i qeverisë theksoi se të bësh opozitë duke shpikur për kundërshtarin kjo është fundi.
Në rubrikën “Përgjigja ime” në Facebook, Rama ka thënë se nuk ka pësuar asnjë problem shëndetësor, por ka shkuar në Gjermani për të takuar miqtë e BE dhe për t’i sqaruar rreth problemeve.
“Siç e shihni jam mirë dhe nuk jam në spital në Berlin, por në zyrën time. Njerëz jemi dhe larg qoftë për cilin do, por edhe mund të sëmuremi. Por ne Berlin isha jo për shëndetin tim, por për të takuar miqt të Europës. Për të sqaruar pamjet e shëmtuara që opozita po bën për vendin. Lajmi i atakut tim në zemër, ky lajm i sajuar nga opozita për sëmundjen e kundërshtarit politik do të thotë që ke prekur fundin. Do i hedh në gjyq që të paguajnë për këtë shpifje me shëndetin tim”, tha Rama.
/g.kosovari
