Kryeministri Edi Rama deklaroi se është gati që të rishikohet vendimi për tarifat, jo përmes ndryshimit të tyre sepse i vendos universiteti, por duke ofruar ndihmën e shtetit. Kreu i qeverisë deklaroi se për tarifat, studentët paguajnë sa një kapuçino në ditë
Propozimi i kreut të qeverisë shkoi përtej kërkesës së studentëve, duke propozuar arsim falas për ekselentët dhe të varfrit. Por për arritjen e këtij objektivi, Rama kërkoi dialog.
“Ne jemi gati që tarifat t’i mbështesim sipas kategorive, më shumë se 50% nga taksat, por është paketë. S’mund të jetë kështu, o ba dua Lekë” tha shefi i qeverisë
“Tarifat vendosen nga universitetet, qeveria vendos tavanin. Pse 50% zbritje tarife për ata familje që janë me ndihmë ekonomike? Pse duhet të kenë tarifë të barabartë, ekselentët, studentët e familjeve me ndihmë ekonomike? Jo vetem 50%, por t’ua subvencionoje shteti 100% atyre me 9 dhe 10 dhe atyre ne ndihme ekonomike. Por ama duhet dialog, se nuk zgjidhen ne eter. Por si ta zgjidhim, me TV? Dhe çfarë tju sugjerojë ju Luli, Monika, apo ai Qorri…’’, tha kryeministri
Kryeministri tha se jemi gati të investojmë nga taksat për të mbështetur studentët në pagesën e tarifës.
“Tarifa? Patjetër. T’i diskutojmë. Mbështes arsyetimet racionale dhe e ndjej dhimbjen e atyre prindervë dhe studentëve, që janë studentë, që kanë nevojë për ndihmën e shtetit. Duhet të dimë që tarifat i vendosin univeristetët, jo qeveria. Jemi gati të investojmë nga taksat për të mbështetur studentët në pagesën e tarifës. Por kjo duhet diskutuar. Nuk jemi shteti armike, duhet të komunikojmë. Jam i vetëdijshëm për të gjitha kërkesat”, tha Rama
Rama: Do shkarkojmë përfaqësuesit e qeverisë nga bordet e universiteteve
Kryeministri foli edhe për kërkesën e studentëve për bordet e administrimit në universiteteve
Por kreu i qeverisë, shtoi se studentët nuk mund të bëhen pjesë, pasi kjo praktikë nuk zbatohet në asnjë vend të botës. Rama deklaroi se përfaqësuesin e qeverisë mund ta zgjedhin studentet.
“Do shkarkojme gjithe perfaqesuesit e qeverise nga bordet e universiteteve, por nuk mund të firmosim praninë e studentëve në borde. Nuk e ka asnjë vend këtë praktikë, deklaroi Rama. Nuk e marrim dot modelin e Kinës të revolucionit kulturor. I emëruari i qeverisë do të jetë një i zgjedhur nga studentët”, deklaroi Rama
Javanews/a.çupaj
