Ish Kryeministri Berisha shkruan në një status të fundit në Facebook, se më në fund maxhoranca ka pranuar propozimet e opozitës për Byronë Kombëtare të Hetimit, edhe pse e di që Rama do ta ketë punën pisk pas miratimit të saj.
“Te dashur miq, pas bllokimit prej me shume se nje viti te kerkesave te opozites, pas rrezimit de facto, dy here rradhas, te drafteve te amemdamenteve kushtetuese te pregatitura ekskluzivisht nga ekspertet e Rames, me te cilat donin ti jepnin Rames te gjithe pushtetin gjyqesor, me se fundi kerkesat e opozites, propozimet e saj per metodologjine e procedimit ne hartimin e amendamenteve kushtetuese, ne perputhje me rekomandimet e Venecias, mbi bazen e marreveshjeve te arritura me dialog politik u pranuan.” shkruan Berisha.
Ish Kryeministri vijon deklaratën e tij kur thotë se Rama ka zhvilluar një vizitë sekrete në Rumani bashkë me Taulant Ballën, ku janë takuar me ish kryeministrin Viktor Ponta që akuzohet për korrupsion në vendin e tij.
“Perseri rreziku i bllokimit te reformes nga Edi Rama eshte shume i madh. Rama eshte i bindur se BKH sipas Venecias, eshte thjesht nje konspiracion per ta kalbur ate ne burg per disa dekada. Burime, qe jane si kemisha e tij, pra te aferta me Ramen, bejne me dije se pak kohe me pare Rama me lejtenantin e tij Balla kane bere nje udhetim te fshehte ne Rumani dhe kane zhvilluar nje takim te fshehte me mikun e tyre te ngushte, ish kryeministein Viktor Ponta, qe eshte nen ndjekje penale nga BKH rumune.” vazhdon ish Kryeministri Berisha.
