Kryeministri Edi Rama është takuar në Bruksel me kryeministrin e Serbisë, Aleksandar Vuçiç. Kjo është bërë e ditur nga postimi që Rama ka bërë në Facebook.
Takimi është zhvilluar në Bruksel, në mini-samitin për krizën e emigrantëve.
Më herët, në një deklaratë të shkurtër për median para fillimit të samitit me vendet e Ballkanit si Shqipëria, Maqedonia dhe Serbia, Rama tha se “besohet që me ardhjen e dimrit, ekziston mundësia për një rrugë të re të devijuar drejt vendeve tona”.
Rama shtoi se ky takim është një domosdoshmëri për t’u koordinuar në nivelin rajonal dhe europian dhe padyshim “edhe Shqipëria ka vendin e vet në këtë moment kaq delikat dhe të rëndësishëm për atë që jemi dhe atë që do të jemi nesër si europianë”.
