Kryeministri Edi Rama, deklaroi në bashkëbisedimin në Vlorë, se studentët po e çojnë protestën për lesh.
kreu i qeverisë tha se mungesa e dialogut nuk e zgjidh problemin.
Rama tha se nese do e udhehiqte ai protesten, gjerat do shkonin me mire.
“Unë jam dakord, po them jam dakord, ca doni tani, të bëhem udhëheqës i protestës, këtë doni? Se po ta udhëheq unë, bëhet shumë më mirë protesta. Unë po them jam dakort me 8 pikat e juaja, madje hajde të zgjidhim edhe të tjera, ndërsa ju thoni “jo”, nuk duam dialog. Ju po e coni protesten për lesh, më falni që po ju them kështu. Ndërkohe jua përsëris unë nuk dua që protesta të shkojë për lesh. A e mbajtja unë premtimin që në fillim kur hoqa pikan 4 të VKM-së. Pse e hoqa? E hoqa sepse ishte një kërkesë e drejtë e juaj. Këtë gjë po bëj edhe me pikat e tjera. Ama a mund te a thoni ju mua si ta plotesoj une kerkesen tuaj per vite 50% te studenteve ne institucionet e arsimit te larte kur nuk e ka asnje vend i Europes?”, tha Rama
Kryeministri Rama u shpreh sot nga Vlora se qeveria do të publikojë një dokument me ecurinë e tetë pikave që kërkojnë studentët, ndërsa shtoi se do të përgatitet një pakt për universitetin me pedagogët dhe studentët.
“Ju bëni si të doni, ne do u përgjigjemi tetë pikave. Nuk ekziston ti dërgosh qeverisë ultimatume, pasi nuk është dyqan, Amazon.com që të futesh atje të porositësh top, çantë, apo xhup. Sot do të publikojmë online të gjithë ecurinë e kësaj pune me tetë pikat, secili mund të japë opinione. Do të përgatisim një pakt për universitetin me pedagogët dhe studentët. Unë besoj se Shqipëri bëhet, pasi në të kundër nuk do të isha këtu. Sikur po ndryshon Vlora, do të ndryshojë edhe jeta juaj. Por ulu dhe diskuto” tha Rama.
Kryeministri Edi Rama ripërsëriti premtimin për përgjysmimin e tarifave nga 1 janari për studentet e bachelor
Kreu i qeverisë tha se per studentet me mesatare 9 dhe 10 shteti do u paguajë 100% tarifën dhe do u lidhë bursë. Kreu i qeverisë tha se këtë qeveria do paguajë gjysmën e tarifës edhe për ata me katra, por vitet e tjera kjo gjë duhet parë
“Taksapaguesit e këtij vendi sot paguajnë rreth 75% të kostove të studentëve. Tarifa e studentëve është rreth 25% e kostos. Në janar, shteti do të paguajë gjysmën e tarifës. Nëse e keni paguar gjysmën deri tani, nuk do paguani më. Shteti do të paguajë gjysmën e tarifës edhe për ata me katra. Nuk do paguajmë vazhdimisht për ata me katra, por në janar do ua paguajë qeveria.
Ata që janë me 9-10 do i paguhet tarifa 100% nga shteti dhe do i jepet dhe një bursë
Ata që janë me 8-9 ti paguhet 75%
Ata që janë me 6-7 ti paguhet 50 %
Kjo vlen për vitin e ri akademik. Ultimatumet me qeverinë nuk ecin.”, deklaroi Rama
Kryeministri deklaroi se në vitin e ri akademik do të ketë shkallëzim me meritokraci
Javanews/a.çupaj
