Kreu i qeverisë ka treguar një episod në Top Story, ku për shkak të një fotografie me Olsi Ramën një investitor është ‘përzënë’.
Rama tha se nëse ka një gjë që gjithmonë ka qenë i vetmi problem i tij kur është baltosur, ka qenë ngarkesa që i është krijuar familjes.
“Im vëlla për të cili unë vë dorën në zjarr për ndershmërinë dhe njerëzillëkun, u shfaq në një fotografi bashkë me një shokun e tij në Kinë, në një kompani kineze. Dhe kjo fotografi u publikua si përfshirje e tij për të fituar garën në Spitallën e Durrësit. Një investim ky që do të krijojë një punësim të madh vitet e ardhshme. Dhe pavarësisht se e gjitha ajo ishte një manipulim i opinionit publik, unë i kam kërkuar ministrit të Ekonomisë ta anulojë procesin” – tha Rama.
