I ftuar në ‘Zgjedhje 2021’ nga Alban Dudushi dhe Pranvera Borakaj, ministri i Shtetit për Diasporën dhe kandidati për deputet Pandeli Majko u shpreh se Rama është shumë pranë të shkruarit historinë për të majtën. Thënë këtë, Majko i referohet diskutimit për mandatin e tretë që PS pret të marrë nga zgjedhjet e 25-Prillit.
“Tek Rama shikoj aspak lodhje, shikoj një përgjegjësi të jashtëzakonshme. Është shumë pranë shkruajtjes së historisë për të majtën. Po diskutojmë mandatin e tretë të Partisë Socialiste, një mandat që se ka marrë asnjëherë asnjë forcë politike”
I pyetur për Bashën, si kundërshtar, ministri u shpreh se ky i fundit nuk duhet të imitojë kryeministrin Rama.
“Unë mendoj se misioni më i rëndësishëm i z.Basha aktualisht është të rikthejë Partinë Demokratike në sistem dhe … mbase po e teproj, sepse jemi në kohë fushate dhe jemi në konflikt interesi, por mendoj se nuk duhet ta imitojë dhe aq shumë z.Rama”
g.kosovari
