Në Tiranë është mbajtur Konferenca e Partisë Socialiste Europiane. Kryeministri Edi Rama deklaroi se gjatë konferencës u diskutua mbi raportin e KE.
Shefi i qeverisë u shpreh se Shqipëria pret atë që meriton, çeljen e neociatave.
“Ishte një takim në kuadrin e aktiviteteve të Partive Socialiste Europiane dhe u fokusua tek momenti kyç i pak ditëve më vonë, dalja e raportit të KE-së ku Shqipëria pret atë që meriton: rekomandimin për çeljen e negociatave për anëtarësim”, tha Rama.
Po ashtu, sipas tij, ky takim zhvillohet dhe në vigjiljen e Samitit të Sofjes që i dedikohet BE-së dhe Ballkanit dhe stacioni i tretë i kësaj periudhe entuziasmuese sa i takon vëmendjes së Europës ndaj Ballkanit Perëndimor, takimi i Këshillit Europian, ku do të merret edhe vendimi për rekomandimin komisionit”, tha Rama.
Ndërkohë, Presidenti i PES, Sergei Stanishev u theksoi në fjalën e tij se, “jemi këtu me mesazhe të mira politike për shqiptarët”. Ai vlerësoi reformën në drejtësi dhe bëri thirrje për bashkëpunim mes vendeve të Ballkanit Perëndimor.
“Jemi këtu me mesazhe të mira politike për shqiptarët. Gjatë javëve të ardhshme do të kemi ngjarje mjaft të rëndësishme, jo vetëm për Shqipërinë, por të gjithë Ballkanin Perëndimor. Është bërë një reformë shumë e vështirë. Sistemi i drejtësisë do të jetë transparent. Ky është një kredit vetëm i zotit Rama dhe e PS. Duhet të përgëzohet edhe fushata kundër kanabisit dhe ky është një moment shumë i rëndësishëm. Është shumë i rëndësishëm bashkëpunimi i rajonit, duke përfshirë edhe Shqipërinë. Unë mendoj se bashkëpunim me Malin e Zi është zhvilluar shumë. Ka pasur progres edhe me Greqinë dhe duhet të vazhdohet edhe me vendet e tjera. Shumë vende kanë thënë se nuk do të kemi më zgjerim nëse ka probleme komisioni, por në fakt nuk është kështu. Falë përpjekjeve të Mogherinit, sigurisht që ne kemi një strategji të besueshme, e cila është një tregues shumë i qartë për mënyrën se si ne duhet të ecim përpara”, tha Presidenti i PES, Sergei Stanishev.
Rama: Kur flas anglisht nuk merrem me opozitën
Kryeministri Edi Rama ka reaguar për herë të parë pas përplasjes mes policisë dhe deputetëve të opozitës në hyrje të gjykatës së Tiranës. Në takimin e organizuar në kuadër të aktivitetit të Partisë Socialiste Europiane, Rama u shpreh se nuk dua të përgjigjem, ndërsa shtoi se problem është zgjidhja që duhet të gjejmë për banorët e Kukësit.
“Thjeshtë nuk i përgjigjem, problemi im sot dhe këtyre ditëve ka qenë zgjidhja që duam dhe do i japim atyre që janë realisht subjekt i sistemit të pagesës dhe patjetër që në fund do të vlejë se cdo të bëjmë për njerëzit që jetojnë në Kukës. Kurrë flas anglisht, nuk flas për opozitën e vendit tim”, deklaroi Rama
a.ç
