Nga Artur Ajazi
Fjalimi i kryeministrit Edi Rama në Athinë, do të mbetet gjatë në historinë e këtij vendi. Askush deri sot, nuk u ka folur grekëve siç u foli ai, askush nuk u ka thënë atyre të vërtetat historike të së shkuarës, dhe të sotmes, siç ua tha ai, dhe kjo meriton veçse Respekt. Edi Rama, foli shqip në Athinë, dhe u kuptua nga shumica e shqiptarëve, grekëve, dhe atyre që quhen faktori ndërkombëtar, NATO, BE, dhe partneri ynë i madh SHBA-ja.
Edi Rama, u kujtoi grekëve, qeverisë dhe faktorit politik ekstremist atje, historinë e ndërsjelltë, marëdhniet e mira dhe të keqësuara, fatin e njëjtë të dy popujve, duke u bërë thirrje atyre “për miqësi të sinqertë me shqiptarët”. Ai u kujtoi jo vetëm shqiptarëve të Greqisë, por edhe grekëve faktin se, “shqipëtarët sot janë dinjitozë dhe të palëkundur në fatin e jetës së tyre”. Por, e ndërsa Edi Rama foli shqip në Athinë, dhe shumica e shqiptarëve e duartrokitën, dhe më shumë se kurrë sot e duan dhe respektojnë, në Tiranë, ish-lideri historik i një partie të rrënuar, foli “greqisht”.
Edhe pse u mundua ta bëjë pis takimin madhështor të kryeministrit, dhe ta zhbëjë rëndësinë dhe famën e atij fjalimi programatik dhe historik, duket se ish-lideri ka vendosur të jetë gjithmonë në anën e kundërt të mirësisë së Shqipërisë. Ai bëhet edhe me “djallin”, veçse me Edi Ramën jo.
Dhe kjo ngjet në kohën kur Rithemelimi, duhej të kishte një reagim të ashpër, ndaj deklaratave të Fredi Bejlerit nga burgu, edhe lidhur me takimin e kryeministrit Rama në Athinë. Duke mbrojtur dhe ngritur në qiell “helenizimin e Shqipërisë” edhe nga qelia ku mbahet nën akuzën e “blerjes së votave në zgjedhje”, Bejleri (i konvertuari në grek) u bëri thirrje grekërve “të mos e qasin Edi Ramën në Athinë, por ti tregojnë vendin atij”.
I bashkuar me reagimin e Bejlerit, edhe ish-lideri shftyu me të njëjtin zell e inat, ndaj suksesit të Edi Ramës në Athinë. Njëri shërbëtor i interesave më të zeza greke, dhe tjetri përkrahës i tyre, u bashkuan dhe nxorrën nga goja fjalët më të poshtra për të zhbërë jehonën e takimit të Edi Ramës në Athinë. Ai fjalim, ishte dhe do të mbetet një përgjigje ekselente për çdo përpjekje me frymë mesjetare të qarqeve ekstremiste greke.
Fjalimin e Edi Ramës në Athinë , e pranuan dhe vlerësuan pozitivisht, gjithë shqiptaria në mbarë botën, pa përjashtuar faktorin ndërkombëtar. Ai u tregoi edhe njëherë grekëve, se “Shqipëria ka zot, ka qeveri, ka drejtësi të re, ka ligje, ka Kushtetutë, ka politikanë të përgjegjshëm, dhe se kërkon respekt, dinjitet , dhe barazi mes të barabartëve”.
Edi Rama foli shqip në Athinë, ashtu siç Berisha foli “greqisht” në Tiranë, duke u munduar, dhe pa ja arritur qëllimit të zhvlerësojë takimin e 12 Majit, ashtu siç nuk do të arrijë kurrë të ndotë me gjuhën e tij, edhe takimet e tjera të kryeministri me shqiptarët në Itali, Gjermani, etj.
