Kryeministri i vendit Edi Rama ka vizituar paraditen e sotme qytetin e Kukësit. Rama është ndalur në shpërndarjen e lejeve të legalizimit ndërkohë që theksoi se qeveria i ka kthyer sytë nga Kukësi dhe ka nisur shërimin e plagëve 21-vjeçare të këtij qarku.
“Në 8 vjet janë shpërndarë vetëm 341 leje legalizimi, ndërkohë që ne në 1 vit shpërndamë 388. Jemi këtu për t’ju lehtësuar dhimbjen e shkaktuar nga braktisja e madhe” – ka thënë Rama.
Me herët, kryeministri vizitoi edhe spitalin e Kukësit ku premtoi investime.
Në vizitën e tij, Rama shoqërohet nga kreu i ALUIZNI-t Artan Lame dhe ministri i Bujqësisë, Edmond Panariti.
