Kryeministri i vendit, Edi Rama, e nisi këtë të martë me një pamje magjike nga Valbona. Kreu i qeverisë postoi një video ku Valbona shfaqet e mbuluar nga dëbora, duke krijuar një atmosferë shumë të bukur.
Por vëmendjen më të madhe nga kjo pamje përrallore, e mori kënga që ishte në sfond. Rama kishte shoqëruar videon më projektin më të ri të këngëtares Fifi, “Diell”.
Duket se pas këtij postimi të kryeministrit, fansat i kanë lënë komente apo mesazhe të shumta kantautorit të njohur, Flori Mumajesi. Ky i fundit ka vendosur që të reagojë duke ripostuar në “Instagram”-in e tij postimin e Ramës.
Në këtë postim, ai ka paralajmëruar se do të bllokojë të gjithë ata që shpërthejnë në komente pa lidhje. Madje, Flori ka theksuar se nuk bëhet fjalë për asnjë forum politikë.
“Bllok e ka kush fillon e shperthen ne komente pa lidhje ne profilin tim! Besoj do e kem mirëkuptimin tuaj. Ketu nuk jemi ne forume politike te asnje partie dhe te asnje programi televiziv. Shijoni pamjen dhe sigurisht kengen”, ka shkruar Mumajesi përkrah postimit.
