Kryeministri Rama i ka bërë sërish ftesë publikë liderit të opozitës, Lulzim Basha për t’u ulur në tryezën e dialogut. Shefi i qeverisë i ka bërë apel Bashës që të mos mbajë vendin peng të kësaj krizë artificiale, të krijuar nga vetë PD. Rama dhe se po ndodh ajo që nuk ka ndodhur kurrë, pasi opozita po kundërshton dialogun.
“Po ndodh ajo që nuk ka ndodhur kurrë në Shqipëri. Opozita reale kundërshton dialogun. Kurrë ky vend nuk e ka parë një krizë të tillë artificialë, ku populli nuk është pjesë. Është opozita që kundërshton dialogun, jo qeveria. Nuk ka ndodhur kurrë që qeveria të lutët për dialog dhe opozita të refuzojë dhe sabotojë cdo përpjekje të qeverisë. Kam kërkuar me këmbëngulje dialog. Sot unë jam përsëri këtu për dialog, me nëvojën për tu ulur në tryezë pa kushtë. Edhe pse kërkesat e opozitës janë të padëgjuara, prapë se prapë kam pranuar të ulëm të bisedoj, pa vënë kushtë për orën, vendin, formatin, me media, pa media, sipas dëshirës së Lulzim Bashës. I bëj publikisht thirrje arsyes së Lulzim Bashës, mos na turpëro dukë sulmuar miqtë që u duan të mirën këtij vendi. Mos e ngatërro luftën për pushtet në luftën për të mirën e popullit. Cakto njerëz të tjerë, tako vendin dhe orën që ke dëshirë. Vetëm mos u vono dhe mos na vono. Nuk më intereson farë fati i PD, por i shqiptarëve. Duhet të na interesojnë qetësia dhe siguria e këtij vendi.”, tha Rama.
Madje Rama tha se ia besoi tryezën e dialogut dhe Presidentit Nishani, pavarësisht rezervave që ka ai për këtë të fundit.
““E kam treguar gatishmërinë për nismën e presidentit për dialog, dhe pavarësisht për rezervat e mëdha që kam për qëndrimet Presidentin Nishani kur vendi kishte nevojë për paanshmërinë e tij, por pavarësisht vullnetit të mirë të Nishanit, Basha sërish nuk vjen”, tha Rama.
Kryeministri u shpreh se kriza artificiale e PD, ka ndikim negativ për Shqipërinë dhe shqiptarët, pasi bllokon vettingun dhe rrezikon çeljen e negociatave.
“Pozicionimi i PD, i papranueshëm dhe i pakuptueshëm. Kjo krizë artificiale bllokon vettingun dhe rrezikon hapjen e negociatave. Një parti e madhe është bërë qesharake në sytë e botës, duke rrezkuar të na bëjë qesharakë si komb. Kjo krizë artificiale ka ndikim negativ për Shqipërinë. Kjo krizë artificiale, dekurajon investitorë, nxit paligjshmërinën dhe kriminalitetin, duke kërcënuar më destabilizim të mundshëm dhe kthim pas të Shqipërisë.”, tha Rama.
Kreu i qeverisë deklaroi se është i vendosur që të mos tolerojë asnjë shkelje kushtetuese dhe se nuk do të lejojë që populli sovran të merret peng
“Tolerancë zero ndaj çdo shkelje kushtetuese. Nuk do të tolerojmë asnjë kthim prapa, pa ligj, pa shtet, pa rregull. Nuk do të lojmë që populli sovran të merret peng”, tha Rama
Në fund të fjalës së tij, kryeministri deklaroi prerazi se nuk do të lejojë që populli të merret peng. Ai tha se Basha nuk do të ndalojë kurrë as zhvillimin e zgjedhjeve dhe as nuk do të rrezoje qeverine derisa te vendose populli me vote.
“Harroje se do e marrësh peng, popullin, drejtësinë dhe shtetin. Zgjedhjet nuk ke për ti ndaluar kurrë dhe as qeverinë nuk ke për ta rrëzuar kurrë, derisa të vendosë populli me votë. Po pres Lulzim, mos na turpëro të gjithëve se po na qesh e gjithë bota. Asnjë rrugë që shmang dialogun nuk e çon opozitën në drejtimin e duhur”, tha Rama.
I pyetur nga gazetaret mbi nje kercenim te mundshem te liderit te PD, Rama tha “Nuk ka patur asnjë skenar për të eliminuar liderin e opozitës“/javanews.al
c.a
