Rruga Dobrunë-Blinisht, Has, në kufirin Kosovë-Shqipëri tashmë është hapur duke lehtësuar lëvizjen e qytetarëve.
Kryeministri Edi Rama ndau sot foto nga hapja e kësaj rruge, e cila afron më shumë Shqipërinë me Kosovën.
Rama theksoi se ky është një angazhim i marrë gjatë mbledhjes së përbashkët mes Qeverisë Shqiptare dhe Qeverisë së Kosovës.
Kreu i qeverisë nënvizoi se kjo rrugë tashmë afron edhe më shumë dy vendet tona, jo vetëm fizikisht, por edhe ekonomikisht duke lehtësuar lëvizjen e qytetarëve në të dyja anët e kufirit, sidomos për gjashtë fshatrat e thellë Zapod, Kerstec, Pogaj, Gorozhup, Dobrunë, Blinishtë të bashkive Has, Kukës si dhe komunat e Prizrenit dhe Dragashit në Kosovë.
Fshati Dobrunë, është i shtrirë në verilindje të Shqipërisë, në Has në kufirin Kosovë-Shqipëri. Ndodhet 10 kilometra larg nga Gjakova dhe 20 kilometra larg nga Kruma.
/a.r
