Kreministri Edi Rama ka deklaruar se Partia Socialisten do të respektojë kushtetutën për regjistrimin e kandidatëve në 29 prill lkur është edhe afati i fundit. Po ashtu, Rama theksoi edhe njëherë se nuk do ketë asnjë tërheqje nga 18 Qershori.
“Pasnesër skadon afati për regjistriin e kandidatëve dhe sigurisht që ne do të respektojmë afatin, dhe patjetër ne do respektojmë edhe ditën, datën e përcaktuar nga presidenti në bazë të kushtetutës së republikës për të shkuar para popullit e për të marrë me votë gjykimin e tij për këtë mandat. Nga ana tjetër më vjen mirë që të rinënvizoj faktin se dhe njëherë ne provuam, jo me fjalë por me fakte se çka kemi thënë që jemi të gatshëm për dialog pa kushte, është e sinqertë dhe e vërtetë”, deklaroi Rama.
Më tej ai zbardhi edhe prapaskenat e negociatave me ndërmjetësimin e dy europarlamentarëve Fleckenstein dhe McAllister.
“I kemi pritur me krahët hapur të dërguarin e partive popullore, personalitet i lartë i PE dhe një ndër përfaqësuesit më në zë të partisë së kancelares Merkel, bashkë me Flkeckenstein, dje kemi pranuar brenda pak sekondash paketën e kompromisit propozuar prej tyre. Pasi kanë takuar kryetarin e PD kanë propozuar një tryezë dialogu, kemi shkuar në tryezën e dialogut, përsëri me krahët hapur, dhe aty kemi gjetur për fat të keq, jo kryetarin e PD por miqtë ndërkombëtarë, një skenë që uroj mos të përsëritet më kurrë kur dy palët rrinë në dhoma të ndryshme me asistencë të huaj për të komunikuar me njëra-tjetrën.
Na kanë vënë në tavolinë edhe dy propozime të reja që ishin jashtë platformës, na është propozuar një shtyrje e datës së zgjedhjeve deri në 16 Korrik dhe mundësia për të prekur qeverinë në poste kyçe që lidhen me sektorë ku mendohet se mund të kenë influencë qeveria, mbi zgjedhjet. Përgjigja ime ka qenë shumë e qartë, nuk kam thënë po, nuk kam thënë jo, kam thënë jemi të hapur ta diskutojmëë por me Vettingun. Pa Vettingun nuk kemi çfarë diskutojmë. Vettingu është arsyeja pse PD nuk shkon në zgjedhje dhe Vettingu është edhe arsyeja më e qënësishme e betejës për të reformuar drejtësinë. Nuk ka zgjatur shumë, pak minuta dhe dëgjuam që kryetari i PD ka ikur”, tha Rama./a.m.
