Kriza e çmimeve ka bërë që Parlamenti të përfshihet nga një debat lidhur mes mazhorancës dhe opozitës.
Kryeministri Edi Rama, duke iu përgjigjur akuzave të deputetes demokrate Jorida Tabaku, tha se inflacioni në Shqipëri është sa gjysma e të gjitha vendeve të rajonit.
“Duke qenë se unë s’kam shkollë dhe ju jeni me shkollë, unë nuk hyj dot te debati juaj me ministren e Financave. Duke qenë se ju flisni me shifra, unë do isha mirënjohëse nëse do të më orientonit se ku i keni gjetur shifrat e INSTAT-it. Dhe sipas INSTAT, inflacioni në Shqipëri është rritur 6.2%, në Serbi 9.6% në Maqedoninë e Veriut 10.5%, në Kosovë 11.2%, në Mal të Zi 11.2%, në Bosnje-Hercegovinë 13%. Ky është Prilli. A ka vallë ndonjë arsye pse Shqipëria të jetë thuajse sa gjysma e të gjithë vendeve të rajonit? Me siguri ka arsye. Mbase ka më shumë arsye se sa ato që duke u përpjekur të mësoj unë mund të them këtu, por së paku janë dy arsye të rëndësishme”.
Dhe kjo, sipas Ramës, vjen si pasojë e dy nismave që ka ndërmarrë qeveria shqiptare.
“E para fakti që vetëm në Shqipëri çmimi i energjisë vazhdon mbahet aty ku ishte përpara se sa të shfaqeshin simptomat e krizës. Ndërkohë që kudo tjetër energjia po bën reprezalje mbi ekonominë. Sot nafta është patjetër komponent, por energjia për të cilën ne vazhdojmë paguajmë nga buxheti i shtetit është arsyeja pse kemi këtë normë inflacioni. Dhe e dyta, rritja e prodhimit vendas. Sepse nuk e kemi importuar të gjithë masën e normës së inflacionit nga vendet e tjera, edhe për shkak të zëvendësimit. Vetëm për eksportet me Serbinë dhe me Maqedoninë e Veriut kemi një rritje shumë domethënëse, thuajse dyfish në aspektin e fondeve”.
/a.r
