Nga qyteti i Lezhës, në aktivitetin e mbiquajtur “Tëe pastrojmë më tej Shqipërinë”, Kryeministri Edi Rama tha se reformat që po ndërmerr Partia Socialiste, do të përcaktojnë fatin e 25 viteve të ardhshme në vend. Sipas Kryeministrit, PS ka nën shpatulla përgjegjësinë e madhe të reformimi të Shqipërisë.
“Ne kemi marrë një besim të madh që në rradhë të parë duhet të jetë një garanci për gjeneratën tjetër. Kanë ikur më shumë sesa 10 vjet, janë 12 vjet që kur unë kam ardhur në këtë sallë si rishtar në PS, në atë që ishte si një proces përpara një zgjedhjeje në lidershipin e PS. Kanë ikur 25 vjet nga dita kur shqiptarët morën në dorë fatin e tyre dhe vendosën të ndërtojnë në vendin e tyre demokraci. Dhe shikoni ku jemi, jemi në kushtet kur bëjmë debat politik dhe përplasemi për gjërat që duhet të ishin zgjidhur shumë kohë më parë. Jemi në kohën ku brenda 45 ditësh kryejmë operacion kundër informalitetit dhe regjistrohen rreth 40 mijë biznese, që sigurisht nuk kishin nisur në ditët e nisjes së aksionit. Jemi në kushtet kur duhet të përballemi me trashëgiminë e trmerrshme të një policie shtetit, që vetëm e shtetit nuk ishte…
Sot ne na duhet të kuptojmë se PS ka në dorë fatin e 25 viteve të ardhshme.. ka në dorë atë sesi Shqipëria do të jetë pas 25 vitesh, jo në kuptimin se pas këtyre viteve PS do të vijojë të jetë në pushtet, por në kuptimin që reformat që PS po bën do të përcaktojnë fatin e 25 viteve të ardhshme.”- tha Rama.
