Kryeministri Edi Rama ka reaguar sërish për protestat që vijojnë prej gati një muaji tashmë dhe që kërkojnë dorëheqjen e tij.
Rama ka postuar në rrjetet sociale mesazhin e një qytetari i cili i kërkon të dorëhiqet, por jo për të njëjtat arsye që protestuesit paraqesin prej 26 ditësh para kryeministrisë.
Qytetari i shkruan se “qeverisjen e mundon më së shumti fodullëku dhe shkenca e gjithologjisë.”
Më tej, në kërkesat e tij, ai i thotë “të dorëhiqet” duke renditur si arsye ato që kryeministri Rama shpesh i paraqet si arritje: shifrat e turizmit, rritja e pagave, hapja e negociatave, investimet e ndryshme, rritja e nivelit të Shqipërisë në arenën ndërkombëtare etj.
Postimi i Ramës:
MIRËMËNGJES
dhe me kërkesën e mëposhtme për dorëheqje nga një numër i panjohur, të cilën e mirëkuptoj plotësisht duke e pranuar përulësisht, ju uroj një ditë të qetë
()ë!
Është ndoshta fjala më e konsumuar në lëmin virtual, ndaj po ta risjell edhe unë si ‘Millennials’ me shpresën që “Gen Z” nuk do më denigrojë me komente.
Para se të vijoj po ju them, (me lehtësinë e një barre që nuk e kam mbi supe, bashkë me +800K vota) se qeverisjen e mundon më së shumti fodullëku dhe shkenca e gjithologjisë, por kjo meriton një hapësirë më të zgjeruar filozofike për diskutim.
Tani lexomë (nëse mundeni dhe natyrisht nëse doni).
Dorëhiqu për transformimet e zonave urbane dhe rurale.
Dorëhiqu për aeroportet!
Dorëhiqu për turizmin që shënon shifra rekord!
Dorëhiqu për negociatat që u hapen!
Dorëhiqu për konferencën e tetë ndërqeveritare.
Dorëhiqu për kthimin në shina të ekonomisë!
Dorëhiqu që sot keni rritur pagat në thuajse të gjithë sektorët e ekonomisë.
Dorëhiqu sepse sot protestohet paqësisht dhe në dritaren tënde nuk ka snajper!
Dorëhiqu për transformimet në arsimin, shëndetësi, infrastrukturë dhe jo vetëm.
Realiteti është bezdisës për ata që jetojnë me nostalgjinë e krizës së përhershme.
Dorëhiqu, sepse e ktheve Shqipërinë në një vend që sot respektohet ndërkombëtarisht.
Ose mendoje kështu: Dorëhiqu…në 2030!
Nuk do të na duhesh atëherë, por do të kujtojmë me siguri.
Simbolika e atleteve mbi peshore:Ju shtyp me këmbë,Ju masakroj,Ju shpërfytuyroj..
Ju lë pa bukë…dhe Ju…E tmerrshme kush e drejton Shqipërinë!…I bëj thirrje:Pjesës më të shëndetshme të Partisë Socialiste që t’a shkarkojë këtë gangster që nuk ka bërë asnjëherë zgjidhje brenda PS!I bëj thirrje:SPAK që t’a arrestojë për korrupsionin galopant dhe Gangsterizmin që e ka futur në çdo institucion shtetëror!I bëj thirrje Gjykatës Kushtetuese që t’a arrestojë Edi Ramën për Tradhti Kombëtare!I bëj thirrje Prokurorisë së Shqipërisë që t’a arrestojë për shfrytëzimin personal të postit shtetëror më të lartë,duke punuar me fjalorin prej rrugaçi popullin shqiptar !Si mund të jetë ky gangster Kryeministri ynë?! Turp edhe për mediat shqiptare që nuk i bëjnë bllok këtij krimineli!