Kryeministri Edi Rama ka reaguar pas sulmit në KZAZ-në 6 në Vaun e Dejës. Në një postim në tëitter, kreu i qeverisë drejton gishtin nga kundërshtarët e tij, Lulzim Basha, Monika Kryemadhi, Ilir Meta dhe Sali Berisha.
“Sulmi mbi KZAZ e Vaut të Dejës është shfaqja e egër e dëshpërimit të L.Bashës, M.Kryemadhit, I.Metës dhe S.Berishës, nga fundi i sigurt me turp ditën e dielë i aventurës së tyre antikombëtare, për të marrë peng zgjedhjet që të marrin peng Shqipërinë #Ndëshkimi do jetë shembullor”, shkruan Rama
Më pas në një mesazh tjetër, Rama shkruan se kjo nuk e ndal dot gremisjen e tyre.
“As kjo shfaqje turpi dhe asnjë shfaqje tjetër e këtij lloji, nuk e ndal dot më gremisjen e të katër aventurierëve në gropën që hapën për këtë popull e për këtë vend! Kush prek zgjedhjet për llogari të tyre do përballet me të gjithë forcën e ligjit dhe pasojat e paralajmëruara”, shkruan Rama.
g.kosovari
