Kryeministri Edi Rama ka reaguar me një postim në Twitter pak para nisjes së samitit të Liderëve të Ballkanit Perëndimor dhe atyre të BE në Bruksel, duke komentuar veto bullgare ndaj Maqedonisë së Veriut që bllokon dhe ecjen përpara të Shqipërisë në procesin e integrimit.
“Sa turp për Evropën kjo çështje bullgare!”, shkruan Rama e teksa kujton situatën e shkaktuar nga pushtimi rus në Ukrainë, thotë se Bullgaria si vend anëtar i NATO-s mban peng dy vende të tjera të NATO-s.
E për këtë, 26 vendet e BE-së nuk mund të bëjnë dot asgjë.
Edi Rama në Twitter: Është një ditë e re në Evropë, por jo në Bullgari! Sa turp për Evropën kjo çështje bullgare! Në mes të një lufte shumë të nxehtë në oborrin e pasmë të Evropës, një vend i NATO-s mban peng dy vende të tjera të NATO-s nën mbikëqyrjen e 26 vendeve të BE-së që qëndrojnë të qetë në një shfaqje të frikshme impotence!
/a.r
It is a new day in Europe but not in Bulgaria! What a disgrace for Europe this Bulgarian affair! In the middle of a very hot war at Europe’s backyard a Nato country kidnapps two other Nato countries under the watch of 26 EU countries that sit still in a scary show of impotence!
— Edi Rama (@ediramaal) June 23, 2022
